पुण्यप्रसाद प्रसाई  यो विद्रोह आकस्मिक होइन। यसका गहिरा कारण छन्, कांग्रेसमा दशकौँदेखि एउटै पुस्ता, एउटै सोच, एउटै शक्ति–केन्द्रले पार्टी नियन्त्रण गर्दै आएको छ चुनाव हार्दा पनि नेतृत्व नछोड्ने, जिम्मेवारी नलिने, आलोचना सुन्न नचाहने जस्ता प्रवृत्तिले युवा पुस्तामा राजनीतिक घुटन सिर्जना गर्‍यो र गरिरहेको छ । कांग्रेस बाहिर लोकतन्त्रको कुरा गर्छ तर भित्र महाधिवेशन टार्ने, फरक मत राख्नेलाई धम्की दिने बहिष्कार गर्ने र संगठन प्रयोग गरेर असहमति दबाउने यी सबै लोकतान्त्रिक पार्टीको चरित्रविपरीत हुन्।देश बदलिँदा पनि कांग्रेस पार्टी नबदलिनु, देशमा नयाँ मतदाता, सामाजिक सञ्जाल, भ्रष्टाचारप्रति असहिष्णुता तर पार्टी अझै १९९० को मोडेल मै अड्किएको छ । हो यही यही असन्तुलनबाट “जेनेरेशन विद्रोह” जन्मिएको हो। विशेष अधिवेशनको माग: पार्टी फुटाउने षड्यन्त्र कि पार्टी जोगाउने प्रयास?संस्थापन पक्षको आरोप के छ भने विशेष अधिवेशन भनेको पार्टी फुटाउने चाल हो तर वस्तुगत रूपमा हेर्दा कांग्रेसको विधानले विशेष अधिवेशनको व्यवस्था गरेको छ । दुई महामन्त्रीको पहल वैधानिक छ र अहिलेको राजनीतिक संकट, नयाँ शक्ति उदय, कांग्रेसको साख खस्किँदै जानु असाधारण अवस्था हो । देउवाको अनुहार लिएर कांग्रेस निर्वाचनमा जानु भनेको युवाको अपमान गर्दै कॅाग्रेस सिद्धिनु हो ।त्यसैले गगन र विश्वको यो माग फुटाउने होइन, सुधार गर्ने प्रयास हो। बरु अधिवेशन रोक्नु, डर देखाउनु, संगठन दुरुपयोग गर्ने क्रियाकलापले चाहिं पार्टी फुट्ने सम्भावना बढाउँछन्, घटाउँदैनन् ।

• गगन थापाले बोकेको “नयाँ विचार” के हो त?

गगन थापा केवल व्यक्ति होइनन्, उनी एउटा राजनीतिक प्रवृत्तिको प्रतिनिधि पात्र हुन्। उनको स्पष्ट वैचारिक आधार, भ्रष्टाचारविरुद्ध अस्पष्टता होइन, स्पष्टता हो । सत्ता होइन संस्थागत सुधारको कुरा, गठबन्धन होइन, राजनीतिक आत्मसम्मान कुराले उनलाई सशक्त बनाइरहेको छ । गगन युवासँग संवाद गर्ने क्षमता प्रचुर छ, गगन: भाषण मात्रै गर्दैनन्, नीति, डेटा, र जिम्मेवारीको भाषा बोल्छन् । यो शैली बालेनको “काममुखी राजनीति, कुलमानको “परिणाममुखी प्रशासन”, रविको “प्रणालीविरोधी आक्रोश” सँग मानसिक रूपमा जोडिन्छ।

• गगन नेतृत्वमा कांग्रेस चुनाव लड्यो भने के हुन्छ?

नयाँ मतदाता फर्किन सक्छन् किनकि अहिले कांग्रेस छाडेका धेरै मतदाता, कांग्रेसको इतिहाससँग होइन, कांग्रेसको वर्तमान चरित्रसँग असन्तुष्ट छन् । अब कांग्रेसको नेतृत्व गगनले गरेमा कांग्रेस सुध्रन सक्छ भन्ने आशाजगाउॅछ । यसले नयाँ शक्तिलाई शत्रु होइन लोकतान्त्रिक दबाब समूहको रूपमा स्वीकार गर्छ।

• कांग्रेस फुट्ने सम्भावना कति छ?

यसका दुई सम्भावना छन्: विशेष अधिवेशन रोकिने, दमन जारी रहने हो भने फुट्ने सम्भावना उच्च छ किनकि युवा पुस्ता चुप बस्दैन, वैकल्पिक राजनीति तयार छ अर्को विशेष अधिवेशन भएर नेतृत्व परिवर्तन भएर सुधार भयो भने फुट्ने सम्भावना न्यून छ । बरु पार्टी पुनर्जीवित हुन सक्छ र ऐतिहासिक भूमिका पुनः प्राप्त गर्न सक्छ र बुझौ यो लडाइँ गगन बनाम संस्थापन मात्र होइन, भविष्य बनाम अतीत हो । यदि कांग्रेसले युवालाई रोकेमा, आलोचनालाई दबाएमा, सुधारलाई षड्यन्त्र ठानेमा भने कांग्रेस आफैँ इतिहास बन्नेछ तर यदि गगन थापाजस्ता नेताको नेतृत्वमा आत्मसमीक्षा गरे, साहसी निर्णय गरेर लोकतान्त्रिक अभ्यास अपनायो भने, नेपाली लोकतन्त्रलाई नयाँ ऊर्जा मिल्न सक्छ। यो क्षण कांग्रेसको मात्र होइन, देशको पनि परीक्षा हो।#gaganthapa