काठमाडौं । विश्व वातावरण दिवसका अवसरमा नेकपा एमालेनिकट विद्यार्थी संगठन अनेरास्ववियुले काठमाडौंका विभिन्न क्याम्पस क्षेत्रमा वृक्षारोपण गरेको छ ।अनेरास्ववियुले टीयू परिसरसँगै बबरमहल र माइतीघरमा पनि वृक्षारोपण गरेको छ ।माइती घर र बबरमहलमा पोखरा विश्वविद्यालयको अखिल कमिटीले वृक्षारोपण गरेको हो भने कीर्तिपुरमा टीयू राष्ट्रिय कमिटीले वृक्षारोपण गरेको विद्यार्थी नेता नरेश रोकायाले जानकारी दिए ।त्रिभुवन विश्वविद्यालय कीर्तिपुरमा भएको वृक्षारोपण कार्यक्रममा अखिल अध्यक्ष सुनिता बराल, महासचिव समिक बुढाललगायतका नेताको उपस्थिति थियो ।