काठमाडौं । समाजसेवि एवं गायिका सकुना श्रेष्ठ मलेकुको एक कार्यक्रमका बिच आधुनिक भजन " श्याम सुन्दर खोजी हिडे "को विमोचन भएको छ ।  वरिष्ठ गायक तथा संगीतकार  आनन्द कार्किको प्रमुख आतिथ्यमा सुरु भएको गीत विमोचन कार्यक्रममा संगीतकार सन्तोष श्रेष्ठ , विपिन घिमिरे , माता सपना देवि श्रेष्ठ लगायतको उपस्थिति थियो । भिडियो विमोचन कार्यक्रममा बोल्दै संगीत साधनामा निरन्तर अग्रसर श्रेष्ठले भजन गीत गाउदा अझ मानिसलाई सत्य मार्गमा हिंड्न् प्रेरित गर्ने बताईन । घरमा पनि साधना गर्दा छोराछोरीले अझ थप हौसला दिदा  आफुले भजन गीत गाएको उनले थपिन ।भजन गीतमा त्यस्तो एउटा शक्ती मिल्छ जस्ले भगवानप्रतीको आस्था , सकारात्मक सोच तथा सत्यपथमा लम्कन अझै हौसला प्रदान गर्ने गरेको उनको बुझाई छ । शुक्रबार एक कार्यक्रमकाबीच सार्वजनिक गरिएको भजन गीतमा बिपिन घिमिरेको संगीत र सुरेश घिमिरेको शब्द/रचना रहेको छ । वसन्त सापकोटाले निर्देशन गरेको उक्त भजनलाई दिनेश पराजुलीले खिचेका हुन भने खेमनाथ खनालको सह निर्देशन एवंम्  उत्तर राना मगरको सम्पादन रहेको छ । कार्यक्रममा भिडियोमा सहयोग पुर्याउने सबैलाई मायाको चिनो समेत प्रदान गरिएको थियो ।  भिडियो लिङ्क                                           https://youtu.be/xpPb4zFAQvQ