काठमाडौं - नायिका मिरुना मगरले लण्डनको ब्रनेल विश्वविद्यालयबाट ब्रनेल गोल्ड अवार्ड पनि जितेकी छन् । उक्त विश्व विद्यालयबाट स्नातकोत्तर मिरुनाले गोल्ड अवार्ड जितेकी हुन् ।मिरुनाले बालबालिका, युवा र अन्तर्राष्ट्रिय विकास विषयमा लण्डनबाट स्नातकोत्तर डिग्री हासिल गरेकी हुन् । यसबारे उनले सामाजिक सञ्जालबाट खुसी साटेकी छिन् । ‘अनगिन्ती बाधा र अड्चनको बाबजुद मास्टर्स डिग्री उत्तीणर् गर्न पाउँदा र यसबीचमा फिल्मको छायांकन पनि सम्पन्न गर्न सकेकोमा म आफूलाई गौरवान्तित महसुस गर्छु । कैयौं निद्रारहित रातहरु, लकडाउनका शून्यताहरु र भित्रैदेखि मन भाँचिएका कैयौं क्षणको नतिजाको रुपमा यो उपलब्धि हासिल भएको छ । यो सहयोग र समर्थनको लागि मेरो परिवार र साथीहरुलाई धन्यवाद नदिइरहन सक्दिनँ । मेरो जीवनमा उनीहरुलाई पाएकोमा कृतज्ञ छु’ मिरुनाले सामाजिक सञ्जालमा लेखेकी छिन् ।