काठमाडौं। नेपाली कांग्रेसका महामन्त्री गगन थापाले नेपाली कांग्रेसका कोही पनि नेता तालमेलको पक्षमा नरहेको बताएका छन्।सोमबार महामन्त्री थापाले पार्टीको काठमाडौं क्षेत्र नम्बर ४ को प्रशिक्षण कार्यक्रमलाई सम्बोधन गर्दै निर्वाचनमा हारजित स्वाभाविक भएको बताए। नेता थापाले कार्यकर्तालाई सोही मानसिकताका साथ अघि बढ्न निर्देशन दिएका हुन्।थापाले कार्यकर्तालाई निर्देशन दिँदै भने, ‘निर्वाचनमा हारे हारौंला हारजित हुन्छ तपाईंहरू त्यहीअनुसार अघि बढ्नुस्।’आफू विभिन्न जिल्लाका नेता–कार्यकर्तासँग सम्पर्कमा रहेको थापाले बताए। उनले उम्मेदवार र चुनावी अभियानका लागि कार्ययोजनासहित अघि बढ्न पनि जोड दिए।