काठमाडौं । नेकपा एमालेका अध्यक्ष एंव पूर्वप्रधानमन्त्री केपी शर्मा ओलीले सूर्यलाई सिध्याउन खोज्नेहरुको थुतुनो जलिरहेको बताएका छन् ।बिहीबार केन्द्रीय सल्लाहकार परिषद्को पहिलो बैठकलाई सम्बोधन गर्दै ओलीले यस्तो बताएका हुन् ।उनले हनुमानले सूर्यलाई रोटी भनेर खान खोज्दा थुतुनो डढेजस्तै एमालेको सूर्य निध्याउन खोज्नेको अहिलेको हालत भएको बताए ।यस्तै, ओलीले आफूलाई प्रचण्ड–माधव समूहले फौजदारी अभियोगको १९ पृष्ठ लामो आरोपपत्र दर्ता गरेर पार्टी अध्यक्ष, प्रधानमन्त्री सबै पदबाट हटाएर थुन्नेसम्मको षड्यन्त्र गरेको आरोप लगाए ।बैठकलाई सम्बोधन गर्दै अध्यक्ष ओलीले एमाले प्रति व्यापक जनआकर्षण बढेको समेत बताएका छन् ।