विराटनगर। नेपाली कांग्रेस विराटनगर महानगर समितिले मेयरमा ७ र उपमेयरमा ११ जनाको नाम केन्द्रीय कमिटी समक्ष सिफारिस गरेको छ।समितिले शनिबार केन्द्रीय कार्यालयका सचिव प्रेम केसीलाई कांग्रेसबाट मेयर र उपमेयर पदका दाबेदारहरूको नाम सिफारिस गरेको हो। महानगर सभापति दीपक चापागाईंले आसन्न स्थानीय तह निर्वाचनमा कांग्रेसका तर्फबाट विराटनगरको मेयर र उपमेयरका लागि सिफारिस गरिएको नामावली सचिव केसीलाई बुझाएका हुन्।