काठमाडौं । काठमाडौं उपत्यकामा ट्राफिक प्रहरीले पछिल्लो २४ घण्टामा ट्राफिक नियम उल्लङ्घन गर्ने ७२१ जना सवारी चालकलाई कारबाही गरेको छ।आइतबार बिहानसम्म उपत्यकाका विभिन्न स्थानमा सञ्चालन गरिएको नियमित ट्राफिक जाँचका क्रममा मादक पदार्थ (मापसे) सेवन गरेर सवारी चलाउने २१ जना, राइड सेयरिङसम्बन्धी नियम उल्लङ्घन गर्ने २६ जना तथा रातोबत्तीको उल्लङ्घन गर्ने ४१ जना चालक कारबाहीमा परेका हुन्।त्यसैगरी, तीव्र गतिमा सवारी चलाउने १३४ जना, फुटपाथमा सवारी चलाउने २५ जना, अनावश्यक रूपमा हर्न बजाउने २१ जना र प्राविधिक अवस्था ठीक नभएका सवारी सञ्चालन गर्ने ९ जना चालकलाई पनि कारबाही गरिएको ट्राफिक प्रहरीले जनाएको छ।अन्य विभिन्न ट्राफिक नियम उल्लङ्घनका घटनामा थप ३९३ जना चालक कारबाहीमा परेका छन्।ट्राफिक प्रहरीले दुर्घटना न्यूनीकरण तथा सुरक्षित र व्यवस्थित सवारी सञ्चालन सुनिश्चित गर्न नियमित रूपमा ट्राफिक निगरानी र कारबाही अभियान सञ्चालन भइरहेको जनाएको छ।