काठमाडौं । मलेसियामा जारी एसीसी महिला टी(ट्वान्टी च्याम्पियनसिपमा नेपालले विजयी शुरूआत गरेको छ ।शुक्रवार भएको खेलमा भुटानलाई ५० रनले पराजित गर्दै नेपाल विजयी भएको हो ।भुटानलाई नेपालले ९५ रनको लक्ष्य दिएको थियो । तर, भुटानले १७ ओभर ५ बलमा अलआउट हुँदै जम्मा ४४ रन मात्र बनायो ।प्रतियोगिताअन्तर्गत नेपालले अब शनिवार कुवेतसँग खेल्नेछ । सोमवार बहराइन र अन्तिम खेल मंगलवार हङकङसँग खेल्ने क्यानले जनाएको छ । यसको फाइनलमा पुग्ने दुई देश महिला टी(ट्वान्टी एसिया कप क्रिकेटमा छनोट हुनेछन् ।