नेपाली कांग्रेसका महामन्त्री विश्वप्रकाश शर्माले संसदमा कांग्रेसलाई बोल्न नदिएको बताउनुभएको छ । शुक्रबार संसद भवनमा सञ्चारकर्मीसंग कुरा गर्दै शर्माले शुक्रबारको बैठकमा बोल्न समय माग गरेपनि बोल्न नदिएको बताउनुभएको हो । उहाले सहकारी प्रकरणमा रास्वपालाई एमाले र गिरिबन्धुमा एमालेलाई रास्वपाले जोगाउन खोजिएको तर्क गर्नुभयो । शर्माले सहकारी प्रकरणमा संसदीय छानविन समिति बन्न नाम किटान नगर्ने हो भने त्यसको कुनै अर्थ नरहने जिकिर गर्नुभयो ।मिडिया हाउसका सञ्चालनको नागरिकताको बिषयमा उठेको बिषयमा सहयोग गर्न तयार छु भन्दा समातेको भन्दै उहाले समात्ने निकायमा दुई वटा पारपोर्टको कारण आरोपी व्यक्ति रहेको उल्लेख गर्नुभयो । सभामुखको छेउमा बस्ने व्यक्तिको दुईवटा नागरिकताको कुरा आएपनि गिरफ्तार नगरिएको उहाको भनाइ छ । उहाले गिरफ्तार नगरेर पनि मुद्दाको अनुसन्धान गर्न सकिने बताउनुभयो । उहाले गिरिबन्धु प्रकरणमा पनि छानविन समिति बनाउन सुझाव दिनुभयो । शर्माले गृहमन्त्रीले आरोप लगाएका कांग्रेसका सवै नेता, परिवार लगाएमाथि छानविन गर्न कांग्रेस तयार रहेको बताउनुभयो ।