काठमाडौँ — अर्थमन्त्री स्वर्णिम वाग्ले र दक्षिण तथा मध्य एसियाका लागि डोनाल्ड ट्रम्पका विशेष दूत सर्जियो गोरबीच भेटवार्ता भएको छ।शुक्रबार भएको उक्त भेटमा नेपाल–अमेरिका आर्थिक साझेदारी, विकास सहायता तथा द्विपक्षीय सहकार्यका विविध विषयमा छलफल भएको परराष्ट्र मन्त्रालयले जनाएको छ। भेटका क्रममा दुई देशबीचको सहकार्यलाई अझ सुदृढ बनाउने विषयमा समेत सहमति खोजिएको बताइएको छ।दूत गोरले यसअघि परराष्ट्रमन्त्री शिशिर खनालसँग पनि भेटवार्ता गरेका थिए।विहीबार साँझ काठमाडौँ आएका गोरले आजै सगरमाथा बेसक्याम्पको भ्रमणसमेत गरेका थिए। दक्षिण तथा मध्य एसियासम्बन्धी अमेरिकी कूटनीतिक सक्रियता बढिरहेका बेला, केही दिनअघि मात्र सहायक विदेशमन्त्री समिर पल कपूरको नेपाल भ्रमणपछि गोरको आगमनलाई अर्थपूर्ण रूपमा हेरिएको छ।