काठमाडौँ । नेपाल स्टक एक्सचेञ्ज (नेप्से) परिसूचक आज सोमबार पनि दोहोरो अंकले घटेको छ । आज नेप्से २०.२७ अंकले ओरालो लाग्दै २७३५.१४ विन्दुमा बन्द भएको हो ।आज ३५६ वटा कम्पनीका ९२ लाख ३६ हजार ६७७ कित्ता शेयर किनबेच हुँदा कुल ४ अर्ब ८ करोड ४८ लाख ९६ हजार १९० रुपैयाँ बराबरको कारोबार भएको छ । फाइनान्स समूह बाहेक अन्य सबै उपसमूहका सूचकहरू घटेका छन् ।कारोबारका क्रममा कालिन्चोक हाइड्रोपावरको शेयर मूल्य सबैभन्दा बढी १४.९९ प्रतिशतले वृद्धि भएको छ भने क्रेस्ट माइक्रो लाइफ इन्सुरेन्सको शेयर मूल्य १३.११ प्रतिशतले बढेको छ ।यता, उपकार लघुवित्त वित्तीय संस्थाको शेयर मूल्य सबैभन्दा बढी ७.१४ प्रतिशतले घटेको छ ।कारोबार रकमका आधारमा सेन्ट्रल फाइनान्स अग्रस्थानमा रहेको छ । कम्पनीको २० करोड ४ लाख रुपैयाँ बराबरको शेयर कारोबार भएको छ । त्यस्तै, लक्ष्मी बैंक डिबेन्चरको १७ करोड १७ लाख रुपैयाँ बराबरको कारोबार भएको नेप्सेले जनाएको छ ।