0 Comments 
दाङ । तुलसीपुर उपमहानगरपालिका प्रमुख र उपप्रमुखमा नेकपा एमाले विजयी भएको छ । प्रमुखमा टीकाराम खड्का र उपप्रमुखमा स्यानी चौधरी विजयी भएका छन् । यो जितले एमाले महासचिव शंकर पोखरेलको मान बढाएको छ ।
उनले जुन जुन ठाउँमा एमालेले हार्यो त्यो ठाउँमा दोष आफ्ना उम्मेदवारको नभई गठबन्धनका कारण भएको दिँदै आएका छन् । तर पनि उनकै क्षेत्रमा भने सत्ता गठबन्धनको केही जोर चलेन । प्रमुखमा खड्का ३ हजार ६ सय ९१ मतान्तरले विजयी भए ।खड्काले ३१ हजार ४ सय ८ मत प्राप्त गरे भने उनका निकटतम प्रतिस्पर्धी सत्ता गठबन्धनका तर्फबाट नेपाली कांग्रेसका गेहेन्द्र गिरीले २७ हजार ७ सय १७ मत मात्र ल्याए ।
उपप्रमुखमा चौधरी ९ हजार ५ सय ३२ मतान्तरका साथ विजयी भएकी हुन् । चौधरीले ३० हजार ५९७ मत पाइन् भने उनका निकटतम प्रतिस्पर्धी गठबन्धनका तर्फबाट नेकपा एकीकृत समाजवादीका जोगबहादुर रानाले २१ हजार ६५ मतमात्रै ल्याए ।चौधरीले तुलसीपुरमा दिदी घर संस्था सञ्चालन गरी असहाय बालबालिकाको संरक्षण गर्दै आएकी छिन् । उनी पहिलो पटककै प्रयासमा सफल भएकी हुन् ।
एमालेले तुलसीपुरमा २, ३, ६, ८, १०, ११, १३, १५, १८ र १९ नम्बर वडा जितेको छ । कांग्रेसले ५, ७, ९, १४, १७ र माओवादी केन्द्रले १, ४ र १२ नम्बर वडा जितेको छ । १६ नम्बर वडा भने स्वतन्त्र उम्मेदवारले जितेका छन् ।
लेखकको बारेमा
