काठमाडौं । स्पेनिस ला लिगामा लिग लिडर बार्सिलोनाले आफ्नो अपराजित यात्रा कायम राख्ने क्रममा जिरुनाविरुद्ध ४–१ को सहज जित निकालेको छ ।आइतबार जिरुनाको मैदान मोन्टिलिभीमा भएको खेलमा बार्सिलोनालाई जित दिलाउन युवा फरवार्ड लामिन यमलले दुई गोल गरे । यस्तै, पेड्री र यसै सिजन क्याटालन जायन्टमा अनुबन्धित भएका ड्यानी ओल्मोले समान एक गोल थपे । घरेलु टिमका क्रिस्थियन स्टुएनीले एक गोल फर्काए । र्सिलोनाले पाँच खेलबाट १५ अंक जोडेको छ । जुन दोस्रो स्थानको रियाल मड्रिडको भन्दा चार अंक धेरै हो । समान खेलबाट रियालले ११ अंक जोडेको छ ।