काठमाडौं । नेपाली बजारमा आज सुनचाँदीको मूल्य घटेको छ। नेपाल सुनचाँदी व्यवसायी महासङ्घका अनुसार बिहीबार सुनको मूल्य तोलामा १,८०० रुपैयाँले घटेर २ लाख ९२ हजार ७०० रुपैयाँमा कारोबार भइरहेको छ। यसअघि बुधबार सुन तोलाको २ लाख ९४ हजार ५०० रुपैयाँमा कारोबार भएको थियो।त्यस्तै, आज चाँदीको मूल्य पनि घटेको छ। महासङ्घका अनुसार चाँदी तोलामा १०५ रुपैयाँले घटेर ४,८१० रुपैयाँमा कारोबार भइरहेको छ। बुधबार चाँदी तोलाको ४,९१५ रुपैयाँमा कारोबार भएको थियो।यससँगै लगातार दोस्रो दिन नेपाली बजारमा सुनचाँदीको मूल्यमा गिरावट देखिएको छ।