काठमाडौं । दर्शकले अत्याधिक कुरेर बसेको चलचित्र “कबड्डी ४”को ट्रेलर रिलिज गरिएको छ। बुधबार निर्माण टिमले चलचित्रको ट्रेलर रिलिज गरेको हो।करिब ४ मिनेट २९ सेकेन्डको ट्रेलर निकै रोचक छ। ट्रेलरमा चलचित्रका मुख्य कलाकारहरुलाई देखाइएको छ। मौलिक कमेडी अनि मौलिक प्रेमले भरिएको छ ट्रेलर। चलचित्रका मुख्य अभिनेता दयाहाङ राईलाई बुद्धिस्ट अवतारमा देखाइएको छ ट्रेलरमा। समग्रमा मनोरञ्जनात्मक छ ट्रेलर।यस् भन्दा अघि निर्माण टिमले टिजर र गीत सार्वजनिक गरेको थियो। चलचित्रको टिजर र गीत दर्शकले असाध्यै रुचाए।चलचित्रलाई लिएर दर्शकहरु निकै उत्साहित छन् ।चलचित्र आगामी जेष्ठ १३ गतेबाट रिलिज हुनेछ। त्रिकोणात्मक प्रेम कथामा आधारित चलचित्रमा अभिनेता दयाहाङ राइको पनि मुख्य भुमिका रहेको छ। दया, सौगात मल्ल र मिरुना मगरका अलवा बुद्धि तामाङ, विजय बराल, कमलमणि नेपाल, पुष्कर गुरुङ, प्रकाश घिमिरे, माओत्से गुरुङ लगायतका कलाकारको पनि चलचित्रमा अभिनय रहेको छ।फाइनल म्याच भनिएको यस् चलचित्रको कथा रामबाबु गुरुङ र उप्रेन्द्र सुब्बाले संयुक्त रुपमा लेखेका हुन् ।ओम चन्द रौनियार र अर्जुन कार्की कार्यकारी निर्माता रहेको चलचित्रलाई शैलेन्द्र डि कार्कीले खिचेका हुन् ।भने, मित्र डि गुरुङले सम्पादन गरेका हुन् ।

यस् भन्दा अघिका ३ वटा सिरिजलाई दर्शकले अत्याधिक रुचाएका थिए र ३ वटै सिरिज सफल पनि भए। अब चौथो सिरिजलाई दर्शकले कत्तिको रुचाउने हुन् त्यो त, रिलिज मिति नै कुर्नुपर्ने हुन्छ। ट्रेलर..https://youtu.be/zOJwj88rQuE