0 Comments 
दार्चुला । दार्चुलामा हायस दुर्घटना हुँदा तीन जनाको घटनास्थलमै ज्यान गएको छ।जिल्लाको शैल्यशिखर नगरपालिका-६ ग्यानीमा आज बिहान साढे ९ बजे हाइस दुर्घटना हुँदा तीन जनाको मृत्यु भएको हो।गोकुलेश्वरबाट ग्यानीतर्फ गइरहेको से१ज २७७ नम्बरको माइक्रो बस सडकबाट पाँच मिटर तल रोल खोलामा खसेको जिल्ला प्रहरी कार्यालय दार्चुलाका प्रहरी नायव उपरीक्षक प्रतिक विष्टले बताए।
दुर्घटनामा चालक प्रकाशसिंह धामी, सहचालक नविनसिंह धामी र हरिष धामीको मृत्यु भएको उनले बताए। मृतक तीनै जना वडा नम्बर ६ ग्वानीका स्थानीय हुन्।हाइस गोकुलेश्वरबाट नेकपा एमालेको विजयी जुलुसमा सहभागी हुनेहरूलाई ल्याउन ग्यानी गएको थियो।मृतकको शव पोष्टमार्टमका लागि जिल्ला अस्पतालमा लगिएको प्रहरीले जनाएको छ।
लेखकको बारेमा
