‘मेरो शान, मेरो पहिचान, राष्ट्रिय पोशाक संरक्षण महाअभियान’ भन्ने मूल नारासहित आज राष्ट्रिय पोशाक दिवस मनाउन लागिएको हो ।वि.सं. २०७० सालमा काभ्रेपलान्चोकको बनेपाबाट सुरु गरिएको राष्ट्रिय पोशाक दिवसको उद्देश्य नेपाली पोशाकको संरक्षण, प्रवद्र्धन र अन्तर्राष्ट्रिय पहिचान स्थापित गर्नु हो। विदेशी संस्कृति र पहिरनको बढ्दो प्रभावका कारण नेपाली मौलिकता संकटमा पर्न थालेपछि त्यसको प्रतिकारस्वरूप यो अभियान सुरु गरिएको अभियन्ताहरूले बताएका छन्।यो दिन नेपाल र नेपाल बाहिर रहेका नेपाली समुदायले विभिन्न कार्यक्रमको आयोजना गरी धुमधामका साथ नेपाली टोपी दिवस मनाउने गरेका छन्। यो लहरसँगै पछिल्लो समय नेपाली टोपी लगाउनेको सङ्ख्या बढिरहेको छ।