काठमाडौँ । श्रम संस्कृति पार्टीका अध्यक्ष हर्कराज राई (साम्पाङ) ले सुकुमबासी बस्ती भत्काउने कार्यप्रति तीव्र आक्रोश व्यक्त गरेका छन्।

आइतबार सामाजिक सञ्जालमार्फत उनले सरकारको कदमप्रति प्रश्न उठाउँदै सुकुमबासीमाथि दमन गरिएको आरोप लगाए। उनले लेखेका छन्— ‘१९०० प्रहरी खटाएर गरीब नेपाली सुकुमबासीलाई कुल्चन पठाउने निरंकुश रास्वपा सरकारले लिपुलेक र महाकालीमा कति सेना पठायो? कि आफ्नै गाडीको ढोका खोल्ने काममै अल्झिएको हो?’

राईले बस्ती हटाइएपछि सर्वसाधारण नागरिक सडकमा रात बिताउन बाध्य भएको भन्दै सरकारप्रति असन्तुष्टि व्यक्त गरे। साथै उनले रवि लामिछाने लाई लक्षित गर्दै प्रश्न गरे— ‘माननीय रविजी कता हराउनु भयो? सरकारले के गर्‍यो यस्तो, जनता हिजोदेखि सडकमा रात बिताउन थाले।’

उनले वर्तमान परिस्थितिमा संसद् छिटो सञ्चालन गर्न पनि आग्रह गरेका छन्।