काठमाडौँ। अमेरिकासँग वार्ताका लागि इरानको उच्चस्तरीय प्रतिनिधिमण्डल शुक्रबार अबेर राति पाकिस्तानको इस्लामावाद आइपुगेको छ । टोलीको नेतृत्व इरानी संसद्का सभामुख मोहम्मद बाकर गालिबाफले गरिरहेका छन् । इरानी प्रतिनिधिमण्डल ‘मिनाब १६८’ नाम दिइएको विशेष विमानमार्फत पाकिस्तान पुगेको हो । यो नाम इरानको एक विद्यालयमा अमेरिकी आक्रमणका कारण भएको नरसंहारमा ज्यान गुमाएकाहरूको सम्झनामा राखिएको बताइएको छ ।तेहरानबाट सभामुख मोहम्मद बाघेर गालिबाफ र विदेशमन्त्री अब्बास अरागची, सुरक्षा परिषद सदस्य अली अकबर, केन्द्रीय बैंकका गभर्नर अब्दुलनसिर हेमाती तथा सुरक्षा, राजनीतिक, सैन्य, आर्थिक र कानुनी क्षेत्रका अधिकारीहरू सहभागी रहेको इरानी सरकारी समाचार संस्था तास्निमले जनाएको छ।तास्निमका अनुसार इरानी प्रतिनिधिमण्डल ७१ सदस्यीय छ।