काठमाडौँ - आज नेपाली बजारमा सुनको मुल्य प्रतितोला ४०० रुपैँयाले बढेको छ । आइतबार प्रतितोला ९३ हजार ६०० रुपैँयामा कारोबार भएको छापावाल सुन आज सोमबार प्रतितोला ९४ हजारमा कारोबार हुने नेपाल सुनचाँदी महासंघले जनाएको छ । यस्तै, हिजो ९३ हजार १०० रुपैँयामा कारोबार भएको तेजाबी सुन आज ९३ हजार ५०० रुपैँयामा कारोबार हुने भएको छ ।महासंघको अनुसार आज चाँदीको मुल्य पनि प्रतितोला ५ रुपैँयाले वृद्धि भएको छ । आइतबार प्रतितोला एक हजार ६० रुपैँयामा कारोबार भएको चाँदी सोमबार प्रतितोला एक हजार ६५ रुपैँयामा कारोबार हुने छ ।