काठमाडौँ - बलिउडमा एकपछि अर्को स्टारले पारिश्रमिक बढाइरहेका छन् । फिल्म फ्लप हुँदा पूरै घाटा निर्माता र वितरकले बेहोर्नुपर्ने हुन्छ । तर, दक्षिणमा भारतीय स्टारहरू फिल्म फ्लप हुँदा उल्टै पारिश्रमिक फिर्ता गर्छन् ।गत अप्रिलमा रिलिज भएको तमिल फिल्म 'आचार्य'का स्टार चिरञ्जीवी र रामचरणले आफ्नो आधा पारिश्रमिक निर्मातालाई फिर्ता गरेका छन् । यति मात्र होइन, फिल्म कोरतला सिवाका निर्देशकले आफ्नो पारिश्रमिकको ५० प्रतिशत पनि निर्मातालाई फिर्ता गरेका छन् ।अप्रिलमा चिरञ्जीवी र रामचरण तेजा अभिनित फिल्म 'आचार्य' रिलिज भएको थियो । फिल्मले राम्रो व्यापार गर्ने सबैको अपेक्षा थियो । तर, भयो उल्टो । फिल्मले बक्स अफिसमा निकै कमजोर व्यापार गर्‍यो । जसकारण फिल्म रिलिज गर्ने निर्माता र वितरकलाई ठूलो नोक्सान भएको छ ।वितरकहरूले फिल्ममा यति धेरै विश्वास गरेका थिए कि उनीहरूले चलचित्रलाई चर्को मूल्यमा किनेका थिए। यसको अर्थ फिल्मबाट जति नाफा हुन्छ, त्यो निर्मातासँग बाँड्ने र नोक्सान भए पनि आफैँले बेहोर्ने भन्ने थियो । तर, यो फिल्म ठूलो फ्लप भयो भनेर कसैले कल्पना पनि गर्न सकेनन् ।फिल्मको खराब अवस्था देखिएपछि वितरकहरू निर्माता र निर्देशकसम्म रुँदै पुगे । त्यसपछि उनले क्षतिपूर्ति दिने आश्वासन दिए । पहिलो निर्देशक कोरतला शिवले आफ्नो आधा पारिश्रमिक निर्माता निरञ्जर रेड्डीलाई फिर्ता गरे । वितरकको घाटा पूर्ति गर्नका लागि उनले आफ्नो केही सम्पत्ति बेच्ने निर्णय गरेको पनि खबर आएको थियो ।चिरञ्जीवी र रामचरण तेजालाई यो कुरा थाहा भएपछि उनीहरूले वितरकको घाटा पूर्ति गर्नका लागि आफ्नो शुल्कको ५० प्रतिशत निर्मातालाई फिर्ता गरे । प्रायः दक्षिणमा भारतीय फिल्म उद्योगमा ठूला स्टारहरूले शुल्क कटौति गर्दा वा पैसा फिर्ता गर्दा निर्माता-वितरकहरूलाई हुने नोक्सानको पूर्ति गर्ने गरेको देखिन्छ ।निर्माताहरूले पनि यही विश्वासका साथ सुपरस्टारलाई मोटो रकम दिन्छन् ।