काठमाडौं । फिफा विश्वकप २०२६ अन्तर्गत भएको खेलमा उरुग्वे र केप भर्डेले २–२ गोलको रोमाञ्चक बराबरी खेलेका छन्।अमेरिकाको फ्लोरिडास्थित मियामी स्टेडियममा सम्पन्न खेलमा केप भर्डेले बलियो टोली उरुग्वेलाई रोक्न सफल भयो। यसअघि पनि केप भर्डेले स्पेनसँग बराबरी खेलेको थियो।खेलको २१औं मिनेटमा केभिन पिनाले आकर्षक फ्रिकिकमार्फत गोल गर्दै केप भर्डेलाई सुरुआती अग्रता दिलाएका थिए। त्यसपछि ४४औं मिनेटमा उरुग्वेका म्याक्सी अराजोले गोल फर्काउँदै खेल १–१ को बराबरीमा ल्याए।पहिलो हाफको इन्जुरी समयमा अगस्टिन कानोबियोले गोल गरेपछि उरुग्वेले २–१ को अग्रता बनाएको थियो।तर दोस्रो हाफको ६१औं मिनेटमा हेलियो भारेलाले गोल गर्दै केप भर्डेलाई पुनः खेलमा फर्काए र अन्ततः खेल २–२ को बराबरीमा सकियो।