काठमाडौँ। गायक महेश काफ्ले र गायिका अस्मिता अधिकारीसंग  ‘इन्गेजमेन्ट’ गरेका छन् । उनीहरुले दुबईको बुर्ज खलिफा पुगेर औंठी साटासाट गरेका हुन् ।गायक काफ्लेले इन्गेजमेण्टका तस्बिरहरु आज सामाजिक सञ्जालमा सेयर गर्दै लेखेका छन्,‘सहयात्राको यो शुरुवात…वी आर इन्गेज्ड ! अस्मिता अधिकारी आई लभ यु…’केही समयदेखि महेश र अस्मिता प्रेम सम्बन्धमा थिए ।चर्चित गायक र गायिकामा पर्ने उनीहरु दुवैले थुप्रै ‘हिट’ गीत गाएका छन् । अस्मिताको ‘उता परेली झिमझिम भो’,‘काले केटाले’,‘को होला त्यो’,‘यो मेरो मायाको कुरा’ लगायतका गीत अत्यधिक मन पराइएको छ ।त्यस्तै, महेशले ‘नाँच फिरीरी’,‘माया बिरानी’,‘लज्जावती झार’, लगायत दर्जनौं चर्चित गीत गाएका छन् ।